چین نے پہلی بار عام مسافر گاڑیوں کے لئے لیول تھری خودکار ڈرائیونگ کے لائسنس جاری کر دئیےہیں۔
ہفتے کے روز چین کی جنوب مغربی چھونگ چھنگ میونسپلٹی میں قائم چھانگ آن آٹو موبائل کو مقامی ٹریفک پولیس کی جانب سے اس کی پہلی لیول تھری خودکار ڈرائیونگ لائسنس پلیٹ ’وائے یو اے ڈی 0001 زیڈ‘ جاری کی گئی۔
15 دسمبر کو چین نے لیول تھری خودکار ڈرائیونگ صلاحیتوں سے لیس دو الیکٹرک سیڈان ماڈلز کو عام سڑکوں پر چلنے کی منظوری دی۔ یہ پہلا موقع ہے کہ چین میں ایسی گاڑیوں کو عام سڑکوں پر چلنے کی اجازت دی گئی ہے۔
وزارتِ صنعت و انفارمیشن ٹیکنالوجی (ایم آئی آئی ٹی) کے جاری کردہ بیان کے مطابق یہ ماڈلز چھانگ آن آٹو موبائل اور بی اے آئی سی موٹر کے برانڈ آرک فاکس نے تیار کئے ہیں۔
چھانگ آن کی گاڑی ٹریفک کے رش کے دوران 50 کلومیٹر فی گھنٹہ تک کی رفتار پر ایک ہی لین میں خودکار ڈرائیونگ کی صلاحیت رکھتی ہے۔ اسے چھونگ چھنگ میں منتخب موٹر ویز اور شہری ایکسپریس ویز کے حصوں پر چلانے کی منظوری دی گئی ہے۔
دوسری جانب آرک فاکس کی گاڑی کو بیجنگ میں مخصوص موٹر ویز اور شہری ایکسپریس ویز کے حصوں پر 80 کلومیٹر فی گھنٹہ تک کی رفتار پر خودکار طور پر چلنے کی اجازت دی گئی ہے۔
خودکار ڈرائیونگ کو لیول زیرو سے لیول فائیو تک چھ درجوں میں تقسیم کیا جاتا ہے۔ جوں جوں لیول بڑھتا ہے ٹیکنالوجی مزید جدید اور ذہین ہوتی جاتی ہے۔ لیول تھری کو مشروط خودکار ڈرائیونگ کہا جاتا ہے جس میں گاڑی خودکار طور پر ڈرائیونگ کے متحرک کام انجام دے سکتی ہے تاہم انسانی ڈرائیور کا موجود ہونا ضروری ہوتا ہے تاکہ ضرورت پڑنے پر وہ کنٹرول سنبھال سکے۔
حالیہ برسوں میں چین خودکار ڈرائیونگ کے فروغ پر بھرپور توجہ دے رہا ہے۔ ستمبر میں چین نے ایک ورک پلان جاری کیا جس میں لیول تھری گاڑیوں کی پیداوار کے لئے مشروط منظوری کے طریقہ کار کی وضاحت کی گئی ہے۔
چھونگ چھنگ، چین سے شِنہوا نیوز ایجنسی کے نمائندوں کی رپورٹ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسٹ آن سکرین:
چین میں پہلی بار عام مسافر گاڑیوں کے لئے لیول تھری لائسنس جاری کر دیا گیا
چھانگ آن آٹو موبائل کو چھونگ چھنگ میں پہلی لیول تھری پلیٹ ملی
مقامی ٹریفک پولیس نےلائسنس پلیٹ نمبر جاری کر دیا
15 دسمبر کو دو الیکٹرک سیڈان ماڈلز کو سڑکوں پر چلانے کی اجازت ملی
ماڈلز چھانگ آن آٹو اور بی اے آئی سی موٹر کے برانڈ آرک فاکس نے تیار کئے
چھانگ آن گاڑی ٹریفک میں 50 کلومیٹر فی گھنٹہ رفتار تک چل سکتی ہے
چھونگ چھنگ میں منتخب موٹر ویز اور شہری ایکسپریس ویز پر چلانے کی اجازت ہے
آرک فاکس گاڑی بیجنگ میں 80 کلومیٹر فی گھنٹہ رفتار تک چل سکتی ہے
ڈرائیور ضرورت پڑنے پر مشروط خودکار لیول تھری گاڑی کا کنٹرول سنبھال سکتا ہے
چین خودکار ڈرائیونگ کے فروغ پر بھرپور توجہ دے رہا ہے
