لاہور: سینئر وزیر پنجاب حکومت مریم اورنگزیب نے کہا ہے کہ عوام جھوٹی خبریں اور اطلاعات پھیلانے والوں سے خبردار رہیں ،نامعلوم ذرائع سے آنیوالی غیر مصدقہ خبروں کو آگے پھیلانے سے اجتناب کیا جائے۔جاری بیان میں مریم اورنگزیب نے کہا کہ سوشل میڈیا پر وائرل غلط بے بنیاد اور جعلی اطلاعات پر یقین نہ کیا جائے اور نہ ہی بلاتصدیق فارورڈ کیا جائے۔
انہوں نے کہا کہ صرف آئی ایس پی آر، وزارت اطلاعات، ڈی جی پی آر، ڈپٹی کمشنر کی سرکاری ویب سائٹ اور سوشل میڈیا اکاؤنٹس سے معلومات حاصل کی جائیں۔
انہوں نے کہا کہ سوشل میڈیا پر پاک بھارت کشیدگی کے حوالے سے بیشمار جعلی پوسٹیں اور فیک ویڈیوز گشت کر رہی ہیں،درست معلومات کیلئے پی ٹی وی اور دیگر سرکاری ذرائع ابلاغ پر انحصار کیا جائے۔
