بیجنگ: پاکستان اور چین نے بیجنگ اور اسلام آباد پولیس میں تعاون بڑھانے ، انٹلیجنس شیئرنگ مزید بہتر بنانے پر اتفاق کیا ہے۔
دورہ بیجنگ کے موقع پر وفاقی وزیرداخلہ محسن نقوی نے چینی ہم منصب کیو ینجن سے 2 گھنٹے کی تفصیلی ملاقات کی جس میں پولیس اور پیرا ملٹری فورسزکیلئے جدید آلات اور ٹیکنالوجی کے چین سے حصول کے امور پر تبادلہ خیال کیا گیا۔
ملاقات میں نیشنل پولیس اکیڈمی کے ساتھ تعاون، انٹیلی جنس شیئرنگ مزید بہتر بنانے اور پیرا ملٹری فورسز کیلئے بارڈرز کو محفوظ کرنے پر اتفاق کیا گیا۔ملاقات میں بیجنگ پولیس اور اسلام آباد پولیس میں تعاون بڑھانے کا فیصلہ ہوا، جنوری میں جوائنٹ ورکنگ گروپ کی میٹنگ پر اطمینان کا اظہار کیا گیا۔ وزیر داخلہ محسن نقوی نے کہا کہ چین سے پولیس کیلئے جدید ٹیکنالوجی و آلات لیں گے۔وزیرداخلہ نے چینی ہم منصب کو پاکستان کے دورے کی بھی دعوت دی۔
