بیجنگ (شِنہوا) امریکی کمپنیاں 9 ویں چائنہ بین الاقوامی درآمدی نمائش (سی آئی آئی ای) میں سب سے زیادہ نمائشی رقبہ حاصل کریں گے۔ یہ 8 ویں مرتبہ ہے کہ امریکی کمپنیوں کا رقبہ سے زیادہ ہو گا۔ ان کے نمائشی رقبے میں گزشتہ سال کے مقابلے میں ایک ہزار 5 سو مربع میٹر کا اضافہ ہوا ہے۔
9 ویں سی آئی آئی ای 5 سے 10 نومبر تک شنگھائی میں منعقد ہوگی۔ 2018 میں درآمدات کے متعلق دنیا کی پہلی قومی سطح کی نمائش کے طور پر شروع ہونے والی اس نمائش کا مقصد چین کی وسعت کی پالیسی کو بڑھانا اور اس کی وسیع منڈی کو دنیا بھر کے لئے مشترکہ مواقع میں تبدیل کرنا تھا۔
چین کی 9 ویں بین الاقوامی درآمدی نمائش کی تیاریاں تقریباً مکمل ہو چکی ہیں۔ چین کے نائب وزیر تجارت یان ڈونگ نے ایک پریس کانفرنس میں بتایا کہ اس نمائش میں مجموعی طور پر 162 ممالک، خطے اور بین الاقوامی تنظیمیں شرکت کریں گی جبکہ بیرون ملک کی 4 ہزار 142 کمپنیاں اپنی مصنوعات اور خدمات پیش کریں گی۔
مجموعی نمائشی رقبہ پہلی مرتبہ 4 لاکھ 40 ہزار مربع میٹر سے تجاوز کر جائے گا۔ کاروباری اداروں کی نمائش میں نمائشی رقبے کے لحاظ سے امریکہ، جرمنی، برطانیہ اور فرانس کی کمپنیاں سرفہرست ہوں گی۔
