تہران (لارڈ میڈیا): ایران کے دو سینیئر سکیورٹی حکام نے بتایا ہے کہ ایران نے امریکا اور اسرائیل کے دوبارہ حملوں کی صورت میں خلیج میں زیرِ سمندر مواصلاتی کیبلز کو نشانہ بنانے کے منصوبے تیار کرلیے ہیں۔ یہ بیان ایرانی حکام کی جانب سے ان انتباہات کے بعد آیا ہے جن میں کہا گیا تھا کہ واشنگٹن کے ساتھ سفارت کاری ناکام ہونے کی صورت میں خطے کی زیرِ سمندر کیبلز بھی ممکنہ اہداف ہو سکتی ہیں۔
ایرانی حکام نے نام ظاہر نہ کرنے کی شرط پر بتایا کہ حملوں کے ممکنہ طریقہ کار یا مقامات کی تفصیلات فراہم نہیں کی گئیں۔ تاہم ان میں سے ایک اہلکار کے مطابق ایران کا مقصد حملے کے بعد کیبلز کی مرمت میں رکاوٹ ڈالنا ہوگا تاکہ انٹرنیٹ کنکشنز اور دیگر مواصلاتی نظام میں تعطل طویل عرصے تک برقرار رہے۔
