بیجنگ (شِنہوا) چینی وزارت خارجہ کی ترجمان ماؤننگ نے کہا ہے کہ چین اور عوامی جمہوریہ کوریا (ڈی پی آر کے) کے درمیان سرحد پر واقع دریائے یالو پر تعمیر کیا گیا نیا پل دونوں ممالک کے درمیان تجارت اورعوامی سطح کے تبادلوں کو مزید فروغ دے گا۔
چین اورعوامی جمہوریہ کوریا کے درمیان طے پانے والے معاہدے کے مطابق یہ پل جمعرات کو باضابطہ طور پر ٹریفک کے لئے کھول دیا جائے گا۔ دونوں ممالک اسی روز مشترکہ طور پر افتتاحی تقریب بھی منعقد کریں گے۔
ماؤننگ نے بدھ کے روزمعمول کی پریس بریفنگ کے دوران کہا کہ چین اورعوامی جمہوریہ کوریا دوستانہ ہمسایہ ممالک ہیں، جنہیں پہاڑ اور دریا آپس میں جوڑتے ہیں۔ یہ نیا پل دونوں ممالک کے درمیان رابطوں کو بہتر بنانے کے لئے ایک اہم سہولت ہے۔
انہوں نے کہا کہ اس پل سے دوطرفہ تجارت اور عوامی روابط کو فروغ ملنے کے ساتھ ساتھ دونوں ممالک کے عوام کی خوشحالی اور معیار زندگی بہتر بنانے میں بھی مدد ملے گی۔
