نیو یارک (لارڈ میڈیا) میٹا نے اپنے 3 نئے اسمارٹ گلاسز اور ایک ورچوئل رئیلٹی گلاسز متعارف کرائے ہیں۔ میٹا وی آر گلاسز میں دو حصوں پر مشتمل سسٹم استعمال کیا گیا ہے جو ڈسپلے اور سنسرز میں موجود ہے، یہ کوئیسٹ وی آر ہیڈسیٹس کے مقابلے میں پتلا ہے اور اس کا وزن 100 گرام ہے۔ یہ گلاسز 5k مائیکرو ایل ای ڈی اسکرین فراہم کرتے ہیں اور اگیومینٹڈ رئیلٹی فیچرز کے ذریعے حقیقی دنیا کو دیکھنے کی صلاحیت رکھتے ہیں۔
ان گلاسز کے فریم میں اسپیکرز موجود ہیں اور میٹا اے آئی ایجنٹ کو آپریٹنگ سسٹم کا حصہ بنایا گیا ہے۔ 45 واٹ فاسٹ چارجنگ بیٹری 3 گھنٹوں تک کام کرسکتی ہے۔ کمپنی کے مطابق، یہ گلاسز آئی میکس سرٹیفائیڈ ہیں اور 3 ڈی موویز اور گیمز کو سپورٹ کرتے ہیں۔ یہ 2027 کے موسم بہار میں امریکا میں 1300 ڈالرز میں دستیاب ہوں گے۔
میٹا نے آڈیو اونلی ورژن بھی متعارف کرایا ہے، جس کا وزن 43 گرام ہے اور سنگل چارج پر 12 گھنٹوں تک چل سکتا ہے۔ ان گلاسز میں اسپیکرز موجود ہیں جو موسیقی اور کالز کے لیے استعمال کیے جا سکتے ہیں اور کمپنی کے اے آئی اسسٹنٹ سے رابطہ کیا جاسکتا ہے۔ اس کی قیمت 349 ڈالرز رکھی گئی ہے اور یہ 13 اکتوبر کو فروخت کے لیے پیش کیا جائے گا۔
کمپنی نے اپنے نئے رے بین میٹا جنریشن 3 گلاسز بھی پیش کیے ہیں جن میں کیمرا موجود ہے اور بیٹری لائف کو بہتر بنایا گیا ہے۔ ان کی قیمت 249 ڈالرز سے شروع ہوگی۔ اس کے ساتھ ساتھ، کمپنی نے گلوکارہ اور اداکارہ لیزا کے ساتھ مل کر بھی ایک نئے اسمارٹ گلاسز کو پیش کیا ہے۔
