بیجنگ (شِنہوا) چینی وزارت خارجہ کے ترجمان گو جیا کن نے کہا ہے کہ اہم معدنیات کی عالمی صنعتی اور ترسیلی سلسلے کو محفوظ اور مستحکم رکھنے سے متعلق چین کے موقف میں کوئی تبدیلی نہیں آئی اور اس مقصد کے لئے تمام فریقوں کی ذمہ داری ہے کہ وہ تعمیری کردار ادا کریں۔
گو جیا کن نے یہ بات معمول کی پریس بریفنگ کے دوران ایک سوال کے جواب میں کہی۔ سوال میں کہا گیا تھا کہ رواں سال چین کی جانب سے جاپان کو نایاب معدنیات کی برآمد پر عائد پابندیوں سے امریکی ترسیلی سلسلے متاثر ہوئے ہیں۔
گو نے کہا کہ نایاب معدنیات کی برآمد پر عائد پابندیوں کے حوالے سے چین قوانین اور ضوابط کے مطابق جاپانی فوجی صارفین، جاپان کے فوجی استعمال اور ایسے تمام دوہرے استعمال کی اشیاء کی برآمد پر پابندی عائد کرتا ہے جو جاپان کی فوجی صلاحیتوں میں اضافے میں مدد دے سکتی ہیں۔ انہوں نے مزید کہا کہ ان اقدامات کا مقصد جاپان کی دوبارہ عسکری طاقت بننے کی کوششوں اور جوہری ہتھیار حاصل کرنے کی کوشش کو ناکام بنانا ہے۔
