نان چھانگ (شِنہوا) چین کے مشرقی صوبے جیانگ شی کی سوئی چھوان کاؤنٹی میں مٹی کے تودے گرنے کے بعد 6 افراد کی ہلاکت کی تصدیق ہوگئی ہے جبکہ 9 دیگر افراد تاحال لاپتہ ہیں۔
مقامی حکام کے مطابق گاؤپھنگ ٹاؤن شپ کے منگ کینگ گاؤں میں کیچڑ اور مٹی کے تودے گرنے کے باعث منگل کی دوپہر تک 5 افراد ہلاک اور 7 دیگر لاپتہ ہوچکے تھے۔
مسلسل کئی روز تک شدید بارشوں کے بعد اسی کاؤنٹی کے زوآن ٹاؤن شپ اور تانگ ہو ٹاؤن شپ میں لینڈ سلائیڈنگ کے واقعات میں ایک شخص کی ہلاکت کی تصدیق ہوئی جبکہ 2 دیگر افراد لاپتہ ہیں۔
تلاش اور امدادی کارروائیاں، سڑکوں کو مضبوط بنانے اور ثانوی آفات کی روک تھام کے اقدامات جاری ہیں۔
