عمان (لارڈ میڈیا): اردن میں امریکی سفارت خانے نے مشرق وسطیٰ میں موجود امریکی شہریوں کو محتاط رہنے اور خطہ چھوڑنے پر غور کرنے کی اپیل کی ہے۔ سفارتی سیکیورٹی الرٹ میں کہا گیا ہے کہ امریکی شہریوں کو پروازوں کی منسوخی، فضائی حدود کی بندش اور سفری رکاوٹوں کے لیے تیار رہنا چاہیے۔
سفارت خانے نے مشرق وسطیٰ سے باہر مقیم امریکیوں کو بھی خطے میں سفر پر دوبارہ سوچنے کی ہدایت دی ہے۔ بیان میں کہا گیا کہ ایران اور اس کے حامی گروہ بیرون ملک امریکی مفادات کو نشانہ بنا سکتے ہیں۔
حکام کے مطابق عمان میں امریکی سفارت خانہ امریکی شہریوں کو اردن میں فوجی اڈوں کے قریب جانے سے گریز کرنے کی تجویز دیتا ہے۔ انہوں نے شہریوں کو سرکاری انتباہات کی نگرانی اور اردنی حکام کی ہدایات پر عمل کرنے کی تاکید کی ہے۔
