بیجنگ (شِنہوا) چین کی وزارت تجارت نے کہا ہے کہ چین برابری، احترام اور باہمی فائدے کے جذبے کے تحت امریکہ کے ساتھ مل کر تعاون کی فہرست کو مسلسل وسعت دینے اور مسائل کی فہرست کو مختصر کرنے کے لئے تیار ہے تاکہ دوطرفہ اقتصادی و تجارتی تعلقات کی مثبت، مستحکم اور پائیدار ترقی کو فروغ دیا جا سکے۔
وزارت کی ترجمان حہ یونگ چھیان نے یہ بات جمہوریہ کوریا میں منعقدہ چین-امریکہ اقتصادی و تجارتی مذاکرات پر تبصرہ کرتے ہوئے کہی۔
ترجمان نے کہا کہ دونوں ممالک کے سربراہان کے درمیان ہونے والی اہم مشترکہ مفاہمت کی روشنی میں اور باہمی احترام، پرامن بقائے باہمی اور باہمی فائدے پر مبنی تعاون کے اصولوں کے مطابق دونوں فریقین نے باہمی دلچسپی کے اقتصادی و تجارتی مسائل کے حل اور عملی تعاون کو مزید وسعت دینے پر واضح، تفصیلی اور تعمیری تبادلہ خیال کیا۔
