نان چھانگ (شِنہوا) چین کے مشرقی صوبے جیانگشی کے دارالحکومت نان چھانگ میں پیر کے روز 5 ویں قومی مطالعہ کانفرنس منعقد ہوئی جہاں اس سال کے قومی ہفتہ مطالعہ کا باضابطہ آغاز بھی کیا گیا۔
کمیونسٹ پارٹی آف چائنہ (سی پی سی) کی مرکزی کمیٹی کے سیاسی دفتر کے رکن اور شعبہ تشہیر کے سربراہ لی شولئی نے تقریب میں شرکت کی اور خطاب کیا۔
شرکاء نے ملک بھر میں مطالعہ کے فروغ اور معاشرے میں کتاب پڑھنے کی ثقافت کو مضبوط بنانے کے لئے مزید اقدامات پر زور دیا۔
لی شولئی نے اس بات پر روشنی ڈالی کہ مطالعہ ثقافتی ترقی کا سب سے بنیادی جزو ہے۔ انہوں نےایک مضبوط ثقافتی ملک کی تعمیر کے لئے قومی سطح پر مطالعہ کے فروغ کے اقدامات کو بھرپور طریقے سے استعمال کرنے کی اہمیت کو اجاگر کیا۔
شرکاء نے عوامی مطالعہ کی سہولیات کی ترقی اور ان کے بہتر انتظام پر بھی زور دیا۔
اس سال کا قومی ہفتہ مطالعہ پیر سے اتوار تک جاری رہے گا جس کے دوران معاشرے میں مطالعے کا شوق بیدار کرنے کے لئے مختلف تقریبات منعقد کی جائیں گی۔
