بینکاک (شِنہوا) تھائی لینڈ کے سابق وزیر خزانہ سوچارت تھڈاتھامرونگ ویچ نے کہا ہے کہ امریکی ٹیکسز کے اقدامات یکطرفہ ہیں اور ان میں نظریاتی جواز کا فقدان ہے۔
انہوں نے خبردار کیا کہ امریکہ کے غیر معقول مطالبات کے سامنے جھکنے والے ممالک کو زیادہ نقصان اٹھانا پڑ سکتا ہے۔
سوچارت نے شِنہوا کے ساتھ ایک حالیہ انٹرویو میں کہا کہ امریکی دباؤ کے سامنے جھکنے کی کوئی وجہ نہیں ہے۔
انہوں نے نشاندہی کی کہ امریکی ٹیکسز کے اقدامات تھائی لینڈ جیسے ترقی پذیر ممالک کو شدید متاثر کر رہے ہیں جبکہ امریکی صارفین کو بھی تکلیف ہو رہی ہے۔
انہوں نے خبردار کیا کہ سمجھوتہ کرنے والے ممالک کو مزید نقصان اٹھانا پڑ سکتا ہے،اگر آپ جھک جاتے ہیں تو وہ (امریکی انتظامیہ) مزید اور مزید کا مطالبہ کر یں گے جو کبھی ختم نہیں ہوگا۔
انہوں نے کہا کہ ٹیکس کی پالیسیوں کے ایک سلسلے اور اس کے بعد بدلتے ہوئے طریقوں نے عالمی تجارت میں نمایاں خلل پیدا کیا ہے۔
