راولپنڈی: سی ٹی ڈی نے پنجاب کے مختلف شہروں میں انٹلیجنس بیسڈ آپریشن میں 10دہشت گردوں کو گرفتار کرلیا ۔ترجمان سی ٹی ڈی کے مطابق راولپنڈی، ٹوبہ ٹیک سنگھ ،خوشاب ، بہاولنگر،رحیم یار خان ،راجن پور،بھکراور جہلم کارروائیوں کے دوران 10 دہشت گردوں کو گرفتار کرلیا جن کی شناخت ریاض ،شفیق ،رشید ،جاوید ،ظہیر،ظہیر الدین ،حفیظ ،وزیر ،آصف اوروحید کے ناموں سے ہوئی ہے۔
ترجمان کے مطابق دہشت گردوں سے دھماکہ خیز مواد ،آئی ای ڈی بم ،ڈیٹونیٹر، 19حفاظتی فیوز، تار35 فٹ ، پمفلیٹ ، نقدی اورموبائل فون برآمد کئے گئے ہیں ۔حکام کے مطابق دہشت گرد مختلف مقامات پر کارروائی کر کے عوام میں خوف و ہراس پھیلانا چاہتے تھے۔
