اسلام آباد (لارڈ میڈیا): روسی سفیر البرٹ خوریف نے اعلان کیا ہے کہ پاکستان کے ساتھ مل کر ماسکو سے فیصل آباد اور کراچی تک مال بردار ریل سروس کے آغاز پر کام جاری ہے۔
روسی سفیر نے یہ انکشاف ایک انٹرویو کے دوران کیا، جس میں انہوں نے بتایا کہ دونوں ممالک مل کر پہلی بار مال بردار ریل سروس شروع کرنے کے منصوبے پر کام کر رہے ہیں۔
انہوں نے مزید کہا کہ اس منصوبے میں بیلاروس کی شمولیت کے امکانات پر غور کیا جا رہا ہے تاکہ مزید تعاون حاصل کیا جا سکے۔
روسی سفیر نے واضح کیا کہ 2025 اور 2026 کے دوران جغرافیائی سیاسی کشیدگی کی وجہ سے اس منصوبے کی تکمیل میں تاخیر ہوئی۔
انہوں نے مزید کہا کہ اس وقت متعلقہ ممالک مال برداری کی خدمات کے معاہدے کو حتمی شکل دے رہے ہیں اور ان کمپنیوں کی نشاندہی کر رہے ہیں جو اس راستے کے ذریعے تجارتی سامان کی ترسیل میں دلچسپی رکھتی ہیں۔
