منیلا (شِنہوا) شمالی فلپائن میں سمندری طوفانوں ’’لوئس‘‘ اور ’’میمے‘‘ اور جنوب مغربی مون سون کی شدت میں اضافے کے باعث کم از کم 12 افراد ہلاک ہو گئے ہیں۔
آفس آف سول ڈیفنس (او سی ڈی) کے مطابق ہلاکتیں ایلوکوس ریجن، کالابارزون اور کورڈیلیرا ایڈمنسٹریٹو ریجن میں ہوئی ہیں۔
او سی ڈی نے بتایا کہ حکام خراب موسمی حالات کے باعث 11 افراد کے زخمی اور 8 افراد کے لاپتہ ہونے کی اطلاعات کی بھی تصدیق کر رہے ہیں۔
او سی ڈی کے مطابق 10 علاقوں میں تقریباً 3 لاکھ 84 ہزار 520 خاندان یعنی لگ بھگ 13 لاکھ 10 ہزار افراد متاثر ہوئے ہیں۔
