لندن (لارڈ میڈیا): ایران اور امریکہ کے درمیان جنگ کے مستقبل پر امریکی کابینہ اور مسلح افواج کے درمیان شدید اختلافات سامنے آئے ہیں۔ امریکی میڈیا کے مطابق یہ اختلافات جوائنٹ چیفس آف سٹاف تک پہنچ گئے ہیں۔
سی این این کے مطابق امریکی فوجی عہدیدار جنگ سے نکلنے کا راستہ تلاش کر رہے ہیں جبکہ کانگریس میں ایران کے خلاف سخت اقدامات کی حمایت بڑھ رہی ہے۔ ایرانی مظاہرین کو ہتھیار فراہم کرنے کے حامی بھی شامل ہیں۔
جنوری میں ایران میں ہونے والے خونریز مظاہروں کے بعد مظاہرین کو ڈونلڈ ٹرمپ کی جانب سے مدد کی یقین دہانی پر مایوسی ہوئی ہے، جبکہ ٹرمپ جنگ ختم کرنے کی کوشش کر رہے ہیں۔
امریکی ذرائع کے مطابق جوائنٹ چیفس آف سٹاف کے چیئرمین جنرل ڈین کین نے جنگ کو بڑھانے کے نتائج پر تشویش کا اظہار کیا ہے اور ایران سے جنگ کے خاتمے کا راستہ تلاش کرنے پر زور دیا ہے۔
وال سٹریٹ جرنل کے مطابق ایران نے عمان کے ساتھ معاہدے میں آبنائے ہرمز سے امریکی بحری جہازوں کو روکنے کی شرط شامل کی ہے، جس کی امریکہ مخالفت کر رہا ہے۔
