انقرہ (لارڈ میڈیا): ترکی نے جمعہ کو سوشل میڈیا پر گردش کرنے والے ان دعووں کو مسترد کر دیا ہے کہ سعودی عرب اور پاکستان کے ساتھ حال ہی میں دستخط شدہ سہ فریقی دفاعی معاہدہ نیٹو کے آرٹیکل 5 سے متصادم ہے۔
ترکی کی کمیونیکیشنز ڈائریکٹوریٹ کے مرکز برائے انسدادِ غلط معلومات نے سوشل میڈیا پلیٹ فارم ایکس پر جاری کردہ بیان میں ان الزامات کو "بے بنیاد” اور "غلط تاثر پیدا کرنے کی منظم کوشش” قرار دیا ہے۔
مرکز نے کہا ہے کہ یہ دفاعی معاہدہ ترکی کی نیٹو ذمہ داریوں سے متصادم نہیں ہے۔ نیٹو کا آرٹیکل 5 اجتماعی دفاع کے اصول کو برقرار رکھتا ہے، جس کے تحت کسی ایک رکن ملک پر مسلح حملہ تمام اراکین پر حملہ تصور کیا جاتا ہے۔
سعودی عرب، ترکی اور پاکستان کے رہنماؤں نے جمعہ کو سعودی شہر مکہ میں ملاقات کی اور مکہ مشترکہ دفاعی معاہدے پر دستخط کیے، جس کے تحت تینوں ممالک میں سے کسی ایک پر مسلح حملہ ان سب پر حملہ تصور کیا جائے گا۔
