بیجنگ (شِنہوا) چین نے امریکہ پر زور دیا ہے کہ وہ چینی مصنوعی ذہانت (اے آئی) کمپنیوں کو بدنام کرنا اور انہیں پابندیوں کی دھمکیاں دینا بند کرے۔
چین نے کہا ہے کہ ایسے اقدامات حقائق اور قانونی بنیادوں سے محروم ہیں اور یہ مصنوعی ذہانت کے شعبے میں بالادستی قائم کرنے کی ایک عام مثال ہیں۔
چین کی وزارت تجارت کے ترجمان نے پیر کے روز یہ بات ان خبروں کے جواب میں کہی جن کے مطابق بعض اعلیٰ امریکی حکام نے عوامی طور پر چینی اے آئی کمپنیوں کے خلاف تحقیقات کا مطالبہ کیا ہے۔
ان حکام کا الزام ہے کہ ان کمپنیوں نے جدید امریکی ماڈلز کی مبینہ "ڈسٹلیشن” کی ہے اور وہ مبینہ طور پر "امریکی تخلیقی املاک کی چوری” جیسے الزامات کی بنیاد پر ان کمپنیوں پر پابندیاں عائد کر سکتے ہیں۔
