ٹوکیو (شِنہوا) جاپان نے تباہ شدہ فوکوشیما دائیچی جوہری بجلی گھر سے جوہری آلودہ پانی کے سمندر میں اخراج کا 21واں مرحلہ مکمل کر لیا ہے۔
مقامی میڈیا کے مطابق بجلی گھر کی آپریٹر کمپنی ٹوکیو الیکٹرک پاور کمپنی ہولڈنگز نے جمعہ کے روز اعلان کیا کہ تازہ ترین اخراج 6 جولائی کو شروع ہوا اور جمعہ کو مکمل ہوا۔
اس دوران مجموعی طور پر 7 ہزار 894 ٹن جوہری آلودہ پانی سمندر میں خارج کیا گیا، جس میں تقریباً 13 کھرب بیکرل تابکار ٹریٹیم شامل تھا۔
عالمی برادری کے تحفظات اور مخالفت کے باوجود جاپان نے اگست 2023 میں فوکوشیما دائیچی جوہری بجلی گھر سے جوہری آلودہ پانی سمندر میں خارج کرنے کا یکطرفہ آغاز کیا تھا۔ 21ویں مرحلے کی تکمیل تک خارج کئے جانے والے پانی کی مجموعی مقدار تقریباً ایک لاکھ 65 ہزار ٹن تک پہنچ گئی ہے۔
