برسلز (لارڈ میڈیا) یورپی یونین نے فیس بک اور انسٹاگرام کے چند فیچرز پر سوالات اٹھا دیے ہیں۔ یہ فیچرز صارفین کو مسلسل اسکرول کرنے پر مجبور کرتے ہیں۔ یورپی کمیشن نے میٹا سے لامحدود اسکرول، خود بخود چلنے والی ویڈیوز اور حد سے زیادہ ذاتی نوعیت کی سفارشات کو تبدیل کرنے کا مطالبہ کیا ہے۔ کمیشن کے مطابق یہ تبدیلیاں بچوں کی ذہنی صحت کے لیے ضروری ہیں۔
میڈیا رپورٹس کے مطابق اگر میٹا ان مطالبات کو پورا کرنے میں ناکام رہی تو اسے اپنی عالمی آمدنی کے 6 فیصد تک جرمانے کا سامنا کرنا پڑ سکتا ہے۔
میٹا نے یورپی یونین کے ان الزامات سے اختلاف کرتے ہوئے کہا ہے کہ انہوں نے نوجوانوں کے تحفظ کے لیے جو اقدامات کیے ہیں، وہ یورپی یونین کی رپورٹ میں نظرانداز کیے گئے ہیں۔
