سماعت سے محروم گریجویٹس نے تیانجن فیشن ویک میں ڈیزائن پیش کردئیے

12 جون سے 23 جون تک جاری رہنے والے ’2026 تیانجن فیشن ویک‘ کے دوران جمعرات کے روز ایک ریمپ شو کا انعقاد کیا گیا جس میں تیانجن یونیورسٹی آف ٹیکنالوجی کے سماعت سے محروم 20 گریجویٹس کے تیار کردہ 80 تخلیقی کام پیش کئے گئے۔

ان گریجویٹس نے اپنی جدید تخلیقات میں پیچ ورک، کڑھائی اور انڈیگو رنگائی جیسے روایتی دستکاری فنون کو بھی شامل کیا تھا۔

ساؤنڈ بائٹ 1 (چینی): یو یچی، گریجویٹ، تیانجن یونیورسٹی آف ٹیکنالوجی

’’میں نے یوننان کے بائی نسلی برادری کے ٹائی ڈائی عناصر کو منتخب کیا۔ یوننان کے بائی لوگ زیادہ تر پھولوں، پودوں اور جانوروں جیسے قدرتی نقش و نگار استعمال کرتے ہیں۔ اس لئے تیار کردہ ملبوسات زیادہ تر پھولوں کے ڈیزائن پر مشتمل ہیں۔‘‘

ساؤنڈ بائٹ 2 (چینی): وانگ چیان، ایسوسی ایٹ پروفیسر، تیانجن یونیورسٹی آف ٹیکنالوجی

’’ان کے پاس اظہار کے لئے بہت کچھ ہے۔ مثال کے طور پر رواں برس وہ ماحولیات کے بارے میں فکرمند ہیں۔ دو یا تین طلبہ کے ڈیزائن اسی موضوع سے متعلق ہیں۔ اس طرح انہوں نے اپنی سماجی ذمہ داری کے احساس کو بھی اپنے ڈیزائن میں شامل کیا ہے۔‘‘

تیانجن، چین سے شِنہوا نیوز ایجنسی کے نمائندوں کی رپورٹ