چین کے شمال مغربی سنکیانگ ویغور خودمختار علاقے کے شمالی حصے میں کپاس کے کھیت اس وقت نشوونما اور دیکھ بھال کے اہم مرحلے میں داخل ہو چکے ہیں۔ چانگجی پریفیکچر میں موجود کپاس کے وسیع کھیتوں میں اب اسمارٹ زرعی روبوٹس استعمال کئے جا رہے ہیں۔ یہ زرعی روبوٹس کاشتکاری کی مصنوعی ذہانت پر مبنی نظام کی طرف منتقلی کی نشاندہی کرتے ہیں۔
یہ ذہین فیلڈ مینجمنٹ روبوٹس مصنوعی ذہانت کی ٹیکنالوجی سے تیار کئے گئے جبکہ یہ بی ڈو نیویگیشن سیٹلائٹ سسٹم کی مدد سے چلتے ہیں۔ یہ پیچیدہ زرعی ماحول میں خودکار طور پر کام کرنے کی صلاحیت بھی رکھتے ہیں۔ یہ روبوٹس اس قابل ہیں کہ درست مقدار میں اسپرے کرنا، جڑی بوٹیوں کی تلفی اور کپاس کی ٹاپنگ سمیت متعدد اہداف پر کام کر سکیں۔
یہ مشینیں فصل کی نشوونما کی حالت اور کھیت کے ماحول کے مطابق اپنے کام کو حقیقی وقت میں ایڈجسٹ کر سکتی ہیں جس سے زرعی وسائل کا ہدف کے مطابق درست استعمال ممکن ہو جاتا ہے۔
ساؤنڈبائٹ (چینی): ہاؤ شیوچیانگ، نمائندہ، روبوٹ ڈویلپر کمپنی
’’روبوٹ کپاس کی نشوونما اور کھیت کی صورتحال کے مطابق اسپرے کے عمل کو متحرک طور پر ایڈجسٹ کر سکتا ہے۔ اس سے کیڑے مار ادویات 30 فیصد زیادہ مؤثر ثابت ہوتی ہیں، فضلہ اور آلودگی میں کمی آتی ہے اور کسانوں کو لاگت کم کرنے کے ساتھ آمدن بڑھانے میں بھی مدد ملتی ہے۔‘‘
ارمچی، چین سے شِنہوا نیوز ایجنسی کے نمائندوں کی رپورٹ
