اسلام آباد (شِنہوا) پاکستان کے وزیراعظم شہباز شریف نے پیر کی صبح اعلان کیا ہے کہ امریکہ اور ایران کے درمیان طویل مذاکرات کے بعد ایک امن معاہدہ طے پا گیا ہے جبکہ اس پر دستخط کی باضابطہ تقریب 19 جون کو سوئٹزرلینڈ میں ہوگی۔
ایکس پر جاری ایک بیان میں شہباز شریف نے کہا کہ فریقین نے لبنان سمیت تمام محاذوں پر فوجی کارروائیوں کے فوری اور مستقل خاتمے کا اعلان کیا ہے۔
وزیراعظم نے کہا کہ ثالث اس ہفتے متعدد اجلاسوں کے انعقاد میں معاونت کریں گے جن کا مقصد معاہدے پر عملدرآمد کی تیاری کرنا ہے۔
انہوں نے کہا کہ عملدرآمد سے قبل ہونے والے یہ مذاکرات تکنیکی بات چیت اور معاہدے پر دستخط کی باضابطہ تقریب کے لئے بنیاد فراہم کریں گے۔
وزیراعظم نے تنازع کے سفارتی حل کے لئے امریکہ اور ایران کے عزم کو سراہتے ہوئے ثالثی کے عمل میں علاقائی شراکت داروں کے کردار پر بھی اظہار تشکر کیا۔
چند ہی منٹ بعد امریکی صدر ڈونلڈ ٹرمپ نے بھی کہا کہ امریکہ اور ایران کے درمیان معاہدہ "اب مکمل ہو چکا ہے” اور انہوں نے ایرانی بندرگاہوں کے خلاف امریکی بحری ناکہ بندی فوری طور پر ختم کرنے کی اجازت دے دی ہے۔
