بیجنگ (شِنہوا) چین کے اعلیٰ اقتصادی منصوبہ ساز ادارے نے کہا ہے کہ بین الاقوامی سطح پر تیل کی قیمتوں میں حالیہ ردوبدل کے باعث چین جمعہ سے ملک میں پٹرول اور ڈیزل کی پرچون قیمتوں میں کمی کرے گا۔
قومی ترقی و اصلاحات کمیشن کے مطابق پٹرول کی قیمت میں 525 یوآن (تقریباً 77 امریکی ڈالر) فی ٹن کمی کی جائے گی اور ڈیزل کی قیمت میں 505 یوآن فی ٹن کمی ہو گی۔
چین کی تین بڑی تیل کمپنیوں چائنہ نیشنل پٹرولیم کارپوریشن، چائنہ پٹروکیمیکل کارپوریشن اور چائنہ نیشنل آف شور آئل کارپوریشن سمیت تیل کی دیگر ریفائنریوں کو ہدایت کی گئی ہے کہ وہ صاف تیل کی مصنوعات کی مستحکم فراہمی یقینی بنانے کے لئے ان کی پیداوار اور نقل و حمل منظم بنائیں۔
چین میں قیمتوں کے موجودہ طریقہ کار کے مطابق صاف تیل کی مصنوعات کی قیمتوں میں رد و بدل بین الاقوامی خام تیل کی قیمتوں میں اتار چڑھاؤ کی بنیاد پر کیا جاتا ہے۔
