تہران (شِنہوا) ایران نے پیر کے روز امریکی فوج کو آبنائے ہرمز میں داخل ہونے کے حوالے سے خبردار کیا ہے۔
ایران کے مرکزی فوجی کمانڈ، خاتم الانبیاء مرکزی ہیڈ کوارٹرز نے ایک بیان میں کہا کہ ہم خبردار کرتے ہیں کہ کوئی بھی غیر ملکی مسلح افواج خصوصاً جارح امریکی فوج اگر آبنائے ہرمز کے قریب آنے یا اس میں داخل ہونے کی کوشش کرے گی تو اس پر حملہ کیا جائے گا۔
یہ انتباہ اس اعلان کے بعد سامنے آیا کہ امریکہ پیر سے آبنائے میں پھنسے ہوئے بحری جہازوں کو آزاد کرانے کا عمل شروع کرے گا۔
ایرانی فوج نے کہا کہ ہم بارہا کہہ چکے ہیں کہ آبنائے ہرمز کی سکیورٹی ہمارے ہاتھ میں ہے اور جہازوں کی محفوظ آمد و رفت کے لئے ہماری مسلح افواج کے ساتھ رابطہ اور ہم آہنگی ضروری ہے۔
