ہانگ کانگ (شِنہوا) ہانگ کانگ میں منعقد ہونے والے چوتھے ویمن پاور فورم میں دنیا بھر کے 27 ممالک سے 380 نمائندگان نے شرکت کی جہاں خواتین کی ترقی کو فروغ دینے کے حوالے سے مباحثے ہوئے۔
ہانگ کانگ خصوصی انتظامی خطے کے چیف ایگزیکٹو جان لی نے افتتاحی تقریب سے خطاب کرتے ہوئے کہا کہ خواتین ہماری معیشت اور حکومت دونوں کی قائد اور ریڑھ کی ہڈی ہیں۔
جان لی نے کہا کہ ہانگ کانگ کی کامیابیاں خواتین کی ترقی اور صنفی مساوات کے لئے اس کے پختہ عزم کا واضح ثبوت ہیں۔
جان لی نے مزید کہا کہ ہم ان مقاصد کی حمایت اس لئے کرتے ہیں کیونکہ ہم ایک بنیادی حقیقت کو تسلیم کرتے ہیں کہ خواتین کی ترقی صرف خواتین کا مسئلہ نہیں بلکہ ایک مشترکہ ذمہ داری ہے جس سے ہر ایک کو فائدہ ہوتا ہے، چاہے وہ ہانگ کانگ یا دنیا کا کوئی اور حصہ ہو۔
فورم میں اس بات پر بھی تبادلہ خیال کیا گیا کہ دنیا بھر کی خواتین مصنوعی ذہانت، صنعتی جدت اور فنون و ثقافت جیسے شعبوں میں مل کر کیسے کام کر سکتی ہیں۔ اس تقریب کی لائیو سٹریمنگ کو مجموعی طور پر 18 لاکھ 20 ہزار ویوز حاصل ہوئے۔
