تہران (شِنہوا) ایران کے سپریم لیڈر علی خامنہ ای نے امریکہ کو غزہ میں اسرائیلی جرائم میں مکمل معاون قرار دیدیا ہے۔
یہ بیان واشنگٹن کی جانب سے اقوام متحدہ کی سلامتی کونسل میں غزہ میں جنگ بندی کے لیے پیش کردہ قرارداد کو ویٹو کرنے کے ایک دن بعد ان کی سرکاری ویب سائٹ پر جاری کیا گیا ہے۔
خامنہ ای نے اپنے سالانہ حج کے پیغام میں عالمی برادری پر زور دیا کہ وہ واشنگٹن کو اس کے ظالمانہ رویے کو روکنے پر مجبور کرے۔
انہوں نے کہا کہ اب دوسرا حج کا سیزن چل رہا ہے جس کے ساتھ ساتھ غزہ اور مغربی ایشیا میں آفات بھی بڑھ رہی ہیں۔
انہوں نے مز ید کہا کہ اسرائیل نے غزہ میں سانحے کو ناقابل یقین حد تک پہنچا دیا ہے جس میں حیران کن سفاکی اور بے مثال بد نیتی کا مظاہرہ کیا گیا ہے۔
ایرانی رہنما نے مسلمانوں کے اتحاد پر بھی زوردیا تاکہ اسرائیل کو غزہ میں اپنی کارروائیاں جاری رکھنے سے روکا جا سکے۔
