شام کے مرکزی بینک نے نئے کرنسی نوٹ متعارف کراتے ہوئے کہا ہے کہ پرانے نوٹ 90 دن کے اندر تبدیل کروائے جا سکتے ہیں، نوٹوں کی تبدیلی کا عمل یکم جنوری سے شروع ہو گا۔۔
غیر ملکی میڈیا کی رپورٹ کے مطابق مرکسی بینک کی جانب سے جاری بیان میں کہا گیا ہے کہ نئے بینک نوٹ متعارف کرانے کا مقصد قومی شناخت کو مضبوط اور معیشت پر اعتماد بحال کرنا ہے، مرکزی بینک کا کہنا ہے کہ نئی کرنسی سے مالی نظام پر اعتماد بڑھے گا۔
صدر احمد الشراع نے کہا کہ یہ اقدام لین دین کو آسان بنا دیگا۔
بیان میں کہا گیا ہے کہ کرنسی کی تبدیلی کا عمل یکم جنوری سے باضابطہ طور پر شروع ہوگا اور اسے مرحلہ وار مکمل کیا جائیگا تاکہ مالیاتی نظام میں کسی قسم کا دبائو یا خلل پیدا نہ ہو۔
