بالی ووڈ فلم انڈسٹری کے کنگ خان شاہ رخ خان نے پاکستان آنے کی خواہش ظاہر کرتے ہوئے کہا ہے کہ انہیں امید ہے ایک دن اپنے بچوں کیساتھ پشاور آئینگے۔
پیپلزپارٹی کی رہنما اور سابق وزیر خارجہ حنا ربانی کھر کی ایک ویڈیو سوشل میڈیا پر وائرل ہورہی ہے جس میں وہ بالی ووڈ کے کنگ شاہ رخ خان کو پاکستان آنے کی دعوت دے رہی ہیں، ایک تقریب کے دوران حنا ربانی کھر نے شاہ رخ خان کو مخاطب کرتے ہوئے کہا کہ آپ بھارت کیساتھ پاکستان میں بھی اتنے ہی مقبول ہیں جس پر اداکار نے جواب دیا کہ میرے خاندان کا تعلق پشاور سے رہا ہے اور وہ اب بھی وہیں قصہ خوانی میں مقیم ہیں، سابق وزیر خارجہ نے انہیں دورہ پاکستان کی دعوت دیتے ہوئے کہا کہ پھر تو آپکے پاس پشاور آنے کا ایک بہترین جواز موجود ہے جس پر شاہ رخ خان نے جواب دیا انشاللہ میں ضرور آئوں گا، دراصل اپنے بچوں کو وہاں لانا چاہتا ہوں اور انہیں اپنا آبائی علاقہ دکھانا چاہتا ہوں جبکہ میں خود وہاں جاچکا ہوں، میرے والد مجھے پشاور اس وقت لے گئے تھے جب میں 15 سال کا تھا اور پھر اگلے سال بھی گیا جس کے بعد انکا انتقال ہوگیا، میں نے اپنے والد کیساتھ سب سے خوبصورت وقت پشاور اور سوات میں گزارا تھا جبکہ لاہور اور کراچی سمیت ہر جگہ گیا تھا اور میری یہی امید ہے کہ ایک دن میں اپنے بچوں کو بھی وہاں لے جاسکوں۔
