فلسطین کی مزاحمتی تحریک حزب اللہ کے سربراہ نعیم قاسم نے اسرائیل پر الزام لگایا ہے کہ وہ خود جنگ بندی منصوبے کی خلاف ورزی کررہا ہے، امریکا اور اسرائیل حزب اللہ کو غیر مسلح کرنے کا منصوبہ بنائے بیٹھے ہیں۔
غیر ملکی میڈیا کے مطابق نعیم قاسم نے کہا ہے کہ اسرائیل نومبر 2024 سے لے کر آج تک جنگ بندی معاہدے کی خلاف ورزیاں کرتا آرہا ہے جس کی وجہ سے لبنان کی حکومت پر بھی لازم نہیں کہ وہ امن معاہدے پر عملدرآمد کرے۔
انہوں نے کہا کہ جنوبی لبنان میں لبنانی فوج کی تعیناتی کیلئے ایک ہی شرط پورا کرنا لازم ہے کہ اسرائیلی جنگ بندی پر عمل درآمد کرے۔
نعیم قاسم نے مزید کہا کہ دریائے لیتانی کے جنوب میں لبنانی فوج کے تعینات کئے جانے کیلئے ضروری تھا کہ اسرائیل جارحیت روکے تاکہ قیدیوں کی رہائی، علاقے سے انخلا اور تعمیر نو کا کام شروع کیا جاسکے۔
