وفاقی حکومت نے مالی ضروریات، جاری منصوبوں کی تکمیل کیلئے رواں مالی سال کے پہلے 5 ماہ میں 858 ارب روپے کا قرض لے لیا۔
جاری دستاویزات کے مطابق گزشتہ مالی سال کے اسی عرصے (جولائی تا نومبر)میں مجموعی طور پر 741 ارب روپے قرض حاصل کیا گیا تھا، اس طرح گزشتہ مالی سال کے مقابلے میں رواں مالی سال جولائی سے نومبر کے دوران 117 ارب روپے زائد قرض حاصل کیا گیا ہے۔
دستاویز کے مطابق نومبر 2025ء 144 ارب روپے کا قرض لیا گیا ہے جوگزشتہ ماہ اکتوبر کے مقابلے میں 4کروڑ ڈالر اضافی ہے۔
رپورٹ کے مطابق نومبر میں 31کروڑ 45لاکھ ڈالر باہمی و کثیرجہتی معاہدوں کے تحت حاصل کیے گئے جبکہ 19کروڑ 69لاکھ ڈالر کے نیا پاکستان سرٹیفکیٹس جاری کئے گئے۔
اعداد و شمار کے مطابق جولائی میں 198ارب روپے، اگست میں 192ارب روپے، ستمبر میں 124ارب روپے اور اکتوبر میں 133ارب روپے کا قرض حاصل کیا گیا تھا۔
