پاکستان اور ایران نے علاقائی امن واستحکام کیلئے قریبی تعاون جاری رکھنے پر اتفاق کیا ہے، یہ اتفاق نائب وزیراعظم و وزیر خارجہ اسحاق ڈار اور ان کے ایرانی ہم منصب سید عباس عراقچی کے درمیان ٹیلیفونک رابطہ کے دوران ہوا ہے۔
ترجمان دفتر خارجہ کے مطابق ٹیلیفونک رابطے میں دونوں وزرائے خارجہ نے پاکستان اور ایران کے درمیان مختلف شعبوں میں دو طرفہ تعاون کا جائزہ اور علاقائی صورتحال پر تفصیلی تبادلہ خیال کیا۔
دونوں رہنمائوں نے تجارت، رابطہ کاری اور عوامی روابط کے فروغ کے عزم کا اعادہ کیا۔
