کراچی سر سید تھانے کی حدود میں پولیس مقابلے کے بعد دو ڈاکوئوں کو گرفتار کرلیا گیا۔
ترجمان ایس ایس پی ڈسٹرکٹ سینٹرل کے مطابق گرفتار ملزمان کی شناخت احمد ولد ظفراللہ اور جاوید ولد غلام فرید کے ناموں سے ہوئی ہے، ملزمان کے قبضے سے ایک غیر قانونی 30 بور پستول بمعہ رانڈز اور گلستانِ جوہر کی حدود سے چھینی گئی موٹر سائیکل برآمد ہوئی ہے۔
ترجمان کے مطابق گرفتار ملزم احمد کا سابق ریکارڈ بھی سامنے آیا ہے، جو اس سے قبل 3مختلف مقدمات میں ملوث پایا گیا ہے، مقدمہ درج کر کے مزید تفتیش شروع کردی گئی ہے۔
