غزہ: غزہ کے الشفاء ہسپتال کے ڈاکٹر عدنان البرش اسرائیلی قید میں جاں بحق ہوگئے۔ غیر ملکی میڈیاکے مطابق گزشتہ چار ماہ سے اسرائیل کی قید میں موجود غزہ کے الشفاء ہسپتال کے ڈاکٹر عدنان البرش جاں بحق ہوگئے ۔
اسرائیلی جیل انتظامیہ نے ڈاکٹر عدنان کی ہلاکت کی تصدیق کرتے ہوئے بتایا کہ اس حوالے سے تحقیقات جاری ہیں۔ دوسری جانب ان کیساتھ کام کرنیوالے ایک ڈاکٹر نے عدنان البرش کو خراج عقیدت پیش کرتے ہوئے دوران قید ان کی ہلاکت کی تحقیقات کا مطالبہ کیا ہے۔
قیدیوں کی رہائی کیلئے کام کرنیوالی فلسطین پریژنر ایسوسی ایشن نے ڈاکٹر عدنان کی ہلاکت کو قتل قرار دیتے ہوئے کہا ہے کہ ان کی لاش تاحال اسرائیل کے قبضے میں ہے۔
