پشاور: قومی اسمبلی میں اپوزیشن لیڈر عمر ایوب نے کہا ہے کہ پارٹی میں اختلاف ہے نہ اسٹیبلشمنٹ کیساتھ بیک ڈور مذاکرات ہورہے ہیں۔ پشاور میں میڈیا سے گفتگو کرتے ہوئے عمر ایوب نے کہا کہ پارٹی میں کوئی اختلاف نہیں، ہر کسی کا اپنا نقطہ نظر ہے،پیپلز پارٹی اور مسلم لیگ (ن) ایک دوسرے کی پیٹھ پر وار کر رہے ہیں۔
انہوں نے کہا کہ گرینڈ الائنس کا پہلا مطالبہ نئے انتخابات کرانا ہوگا۔ انہوں نے کہا کہ 706ارب روپے سے زائد کا خسارہ ہے معیشت کیسے چل سکتی ہے۔انہوں نے کہا کہ اسٹیبلشمنٹ کیساتھ بیک ڈور مذاکرات نہیں ہورہے،رانا ثنا اللہ کہتے ہیں معافی مانگیں تو کیا سب ختم ہو جائے گا۔
