اسلام آباد: عالمی مالیاتی فنڈ(آئی ایم ایف)کا وفد اقتصادی جائزہ کیلئے(آج) پیر کو پاکستان آئے گا۔آئی ایم ایف کا 9 رکنی وفد نیتھن پورٹر کی قیادت میں تقریبا دو ہفتے پاکستان میں قیام کرے گا، آئی ایم ایف وفد آئندہ مالی سال 2025-26کے بجٹ کیلئے تجاویز بھی دے گا، آئی ایم ایف سے رضامندی کی صورت میں ہی تنخواہ دار طبقے کو ریلیف مل سکے گا۔
ذرائع وزارت خزانہ کے مطابق آئی ایم ایف کیساتھ اقتصادی جائزہ مذاکرات 15 مارچ تک جاری رہیں گے، پہلے مرحلے میں تکنیکی اور دوسرے مرحلے میں پالیسی سطح کے مذاکرات ہوں گے۔
وفد کے وزارت خزانہ، وزارت توانائی، منصوبہ بندی، سٹیٹ بنک کیساتھ مذاکرات ہوں گے۔ ذرائع کے مطابق پنجاب، سندھ، خیبرپختونخوا اور بلوچستان سے الگ الگ مذاکرات ہوں گے، آئی ایم ایف وفد کے ایف بی آر، اوگرا، نیپرا سمیت دیگر اداروں اور وزارتوں کیساتھ مذاکرات بھی شیڈول ہیں،
