تل ابیب: غزہ میں اسرائیلی فوجیوں اور حماس کے درمیان فائرنگ کے تبادلے اور دھماکے میں مزید 4 اسرائیلی فوجی ہلاک اور 6 زخمی ہو گئے ۔
اسرائیلی میڈیا کے مطابق اسرائیلی دفاعی فورسز(آئی ڈی ایف) نے سپاہیوں کی ہلاکت کی تصدیق کرتے ہوئے بتایا ہے کہ فوجیوں کو حماس کی جانب سے دھماکہ خیز مواد سے نشانہ بنایا گیا جبکہ فائرنگ کے تبادلے میں بھی فوجی ہلاک اور زخمی ہوئے، ہلاک ہونے والوں کی عمریں 19 سے 37 سال کے درمیان ہیں جبکہ زخمی ہونے والے 2 فوجیوں کی حالت تشویشناک ہے۔
