بیجنگ(شِنہوا)چین کی وزارت ٹرانسپورٹ نے اعلان کیا ہے کہ بدھ کو ختم ہونے والی قومی دن اور وسط خزاں تہوار کی 8 روزہ تعطیلات کے دوران ملک بھر میں بین العلاقائی مسافر دوروں کی تعداد تقریباً 2.43 ارب تک پہنچ گئی۔
یکم اکتوبر سے 8 اکتوبر تک روزانہ اوسطاً 30 کروڑ 40 لاکھ بین العلاقائی دورے کئے گئے جو گزشتہ سال کی نسبت 6.3 فیصد اضافہ اور ایک نیا ریکارڈ بھی ہے۔
چھوٹے گروپوں کی سیاحت، خود ڈرائیونگ پر مبنی سفر اور خاندان کے ساتھ دوستانہ دوروں جیسے سفری رجحانات کی طلب مضبوط رہی جو تعطیلات کے دوران سیاحت کے زبردست رجحان کو ظاہر کرتی ہے۔
وزارت کے مطابق چین کی ریلوے نے 15 کروڑ 39 لاکھ 60 ہزار مسافر دورے سنبھالے یعنی روزانہ اوسطاً ایک کروڑ 92 لاکھ 40 ہزار دورے سنبھالے گئے جو گزشتہ سال کے مقابلے میں 2.6 فیصد زائد ہے۔
آبی راستوں اور شہری ہوابازی کے ذریعے مسافر دوروں کی تعداد بالترتیب ایک کروڑ 16 لاکھ 60 ہزار اور ایک کروڑ 91 لاکھ 40 ہزار رہی۔ سڑک کے ذریعے مسافر دوروں کی تعداد 2.25 ارب رہی، یعنی روزانہ اوسطاً 28 کروڑ 10 لاکھ 50 ہزار مسافر دورے کئے گئے جو گزشتہ سال کی نسبت 6.6 فیصد زائد ہے۔
