تل ابیب: سابق اسرائیلی وزیرِاعظم ایہود اولمرٹ نے اسرائیلی قومی سلامتی کے وزیر اتمار بن گویر اور وزیرِخزانہ بذلیل اسموٹرچ کو دہشت گرد قرار دیتے ہوئے کہا ہے کہ یہ انتہا پسند ہیں، غزہ میں جو کچھ ہو رہا رہے وہ جنگی جرم ہے۔
عرب میڈیا کو انٹرویو میں سابق اسرائیلی وزیراعظم ایہود المرٹ نے کہا کہ مارچ 2025 کے جنگ بندی معاہدے کے بعد اب غزہ کی جنگ ایک غیر قانونی جنگ ہے، اس غیرقانونی جنگ کو 70 فیصد اسرائیلیوں کی حمایت حاصل نہیں ہے۔
انہوں نے مزید کہا میں موجودہ اسرائیلی حکومت پر جنگی جرائم کا الزام لگاوں گا، بیشتر اسرائیلیوں کا خیال ہے کہ یہ اس وقت نیتن یاہو صرف اپنے فائدے کا سوچ رہے ہیں، انہوں یرغمالیوں کے خاندانوں، قومی سلامتی اور اسرائیلی معاشرے کی کوئی فکر نہیں ہے۔
انہوں نے کہا غزہ ایک بڑی آبادی ہے، جہاں 10 لاکھ سے زائد لوگ ہیں، جہاں حماس درمیان میں موجود ہے وہاں جنگ کرنا اسرائیلی کے لیے موت کا پھندہ ہے اور یہ جنگ ایسی ہے جس سے کوئی قومی خدمت نہیں ہوگی۔
