اسلام آباد: وفاقی وزیرداخلہ محسن نقوی نے فتنہ الہندوستان کے 5 دہشت گردوں کو جہنم واصل کرنے پر خیبرپختونخوا پولیس اور سی ٹی ڈی کو خراج تحسین پیش کرتے ہوئے کہا ہے کہ دہشت گردوں کیخلاف کامیاب آپریشن فورسز کی پیشہ وارانہ صلاحیتوں کا ثبوت ہے،قوم ناسور کے خاتمے کیلئے فورسز کے ساتھ کھڑی ہے۔
جاری بیان میں وزیر داخلہ نے اپر دیر میں فتنہ الہندوستان کے 5دہشت گردوں کو جہنم واصل کرنے پر پولیس اور سی ٹی ڈی کی پیشہ وارانہ صلاحیتوں کو سراہا۔
انہوں نے کہا کہ خیبرپختونخوا پولیس اور سی ٹی ڈی نے دہشت گردوں کے مذموم عزائم کو خاک میں ملایا ، فتنہ الہندوستان کے دہشت گردوں کے مکمل خاتمے کیلئے ہماری بہادر فورسز پر عزم ہیں، قوم کو اپنے جری سپوتوں پر ناز ہے اور وہ ان کے ساتھ کھڑی ہے۔
انہوں نے کہا کہ دہشت گردوں کیخلاف کامیاب آپریشن فورسز کی پیشہ وارانہ صلاحیتوں کا ثبوت ہے ، ناسور کے خاتمے تک اس کیخلاف جنگ جاری رکھیں گے۔
