ریاض (لارڈ میڈیا): سعودی عرب نے یمن کی سرحد سے متصل دو علاقوں میں اپنے شہریوں کو ممکنہ حملوں کے حوالے سے خبردار کیا ہے۔ سعودی سول ڈیفنس کے مطابق یہ انتباہ ابہا اور خمیس مشیط کے قریبی علاقوں کے لیے جاری کیا گیا ہے، جہاں ایران کے حمایت یافتہ حوثی باغیوں اور سعودی حمایت یافتہ یمنی حکومتی فورسز کے درمیان لڑائی شدت اختیار کر گئی ہے۔
20 جولائی کو حوثیوں نے سعودی ناکہ بندی کے جواب میں بحری ناکہ بندی کا اعلان کیا تھا، جس کے بعد دونوں فریقوں کے درمیان کشیدگی مزید بڑھ گئی۔
گزشتہ ہفتے حوثیوں نے بڑی کارروائی کے بعد بحیرہ احمر کے مغربی ساحلی علاقے اور آبنائے باب المندب کا کنٹرول حاصل کرنے کا دعویٰ کیا، جس کے نتیجے میں یمنی حکومتی فورسز کو وہاں سے پیچھے ہٹنا پڑا۔
