لاہور (لارڈ میڈیا) فلم انڈسٹری کی معروف اداکارہ لیلیٰ نے ایک رئیلٹی شو میں انکشاف کیا ہے کہ انہوں نے آٹھ سال قبل اپنے دینی عقائد کے مطابق بولڈ کاموں سے کنارہ کشی اختیار کر لی تھی۔ لیلیٰ 1990 کی دہائی سے شوبز انڈسٹری کا حصہ رہی ہیں اور انہوں نے اس شو میں اپنی ذاتی زندگی اور شوبز کیریئر کے مختلف پہلوؤں پر بات کی۔
لیلیٰ نے کہا کہ وہ رئیلٹی شو جیتنے کے لیے دعا کر رہی ہیں تاکہ انعامی رقم سے اپنا گھر اور بڑی گاڑی خرید سکیں۔ انہوں نے اپنے ماضی کے بعض ایسے پرفارمنسز کا ذکر بھی کیا جنہیں وہ آج مناسب نہیں سمجھتیں۔
اداکارہ نے بتایا کہ آٹھ سال قبل انہوں نے ایسے کام چھوڑنے کا فیصلہ کیا جو ان کے مطابق اللہ تعالیٰ کی مرضی کے خلاف تھے۔ ان کی گفتگو نشر ہونے کے بعد سوشل میڈیا پر مختلف ردعمل سامنے آیا۔
کچھ لوگوں نے ان کے موجودہ سوچ اور تبدیلی کو سراہا، جبکہ بعض نے ان کے بیانات پر تنقید کی۔ ایک صارف نے ان کی گفتگو کو بناوٹی نہ سمجھتے ہوئے دعا کی کہ اللہ ان کی دعائیں قبول کرے۔
ایک اور صارف نے ان کے لیے نیک خواہشات کا اظہار کرتے ہوئے کہا کہ وہ امید کرتے ہیں کہ لیلیٰ رئیلٹی شو جیتیں گی کیونکہ انہوں نے اپنی خواہش کا اظہار خلوص کے ساتھ کیا ہے۔ تاہم بعض افراد نے ان کے بار بار اپنی مشکلات اور ماضی کے تجربات کا ذکر کرنے پر بھی تنقید کی۔
