کیف (لارڈ میڈیا) یوکرین کے صدر ولودیمیر زیلنسکی نے یوکرینی فوج کو ہدایت دی ہے کہ وہ روس کے خلاف روزانہ کم از کم ایک ہزار ڈرون حملے کریں۔ یہ ہدف موجودہ حملوں کی تعداد سے تین گنا زیادہ ہے۔
زیلنسکی نے اپنے خطاب میں فوج پر زور دیا کہ طویل فاصلے تک مار کرنے والے ڈرون حملوں میں اضافہ کیا جائے۔ موجودہ اندازوں کے مطابق یوکرین روزانہ تقریباً 300 ڈرون حملے کرتا ہے، جبکہ نیا ہدف اس تعداد سے کہیں زیادہ ہے۔
یوکرینی صدر نے امریکی انٹیلی جنس سربراہ کے ماسکو کے دورے اور روسی حکام سے ملاقاتوں کا بھی ذکر کیا۔ زیلنسکی نے کہا کہ کیف کو ماسکو میں حالیہ ملاقاتوں سے متعلق معلومات موصول ہوئی ہیں، تاہم مزید تفصیلات فراہم نہیں کی گئیں۔
کریملن نے امریکی انٹیلی جنس سربراہ کی ماسکو میں روسی انٹیلی جنس حکام سے ملاقات کی تصدیق کی ہے، مگر ان کی صدر ولادیمیر پیوٹن سے کوئی ملاقات نہیں ہوئی۔
