لندن (لارڈ میڈیا): آبنائے ہرمز کے ذریعے تیل کی برآمدات کے بارے میں غیر یقینی صورتحال کے باعث عالمی مارکیٹ میں تیل کی قیمتوں میں مسلسل چوتھے روز اضافہ ہوا ہے۔
رائٹرز کے مطابق، سرمایہ کار تہران اور واشنگٹن کے متضاد بیانات کا جائزہ لے رہے ہیں کہ آیا آبنائے ہرمز سے بحری جہازوں کی آمدورفت معمول کے مطابق جاری ہے یا نہیں۔
برینٹ خام تیل کی قیمت 26 سینٹ (0.29 فیصد) اضافے کے بعد 91.28 ڈالر فی بیرل ہوگئی، جبکہ امریکی ویسٹ ٹیکساس انٹرمیڈیٹ خام تیل 37 سینٹ کے اضافے کے بعد 85.31 ڈالر فی بیرل پر پہنچ گیا۔
دونوں اقسام کے تیل کی قیمتیں منگل کو 24 جولائی کے بعد بلند ترین سطح پر بند ہوئی تھیں۔
امریکا اور ایران کے درمیان جنگ بندی اور امن معاہدے کے امکانات کم ہونے کے باعث عالمی مارکیٹ میں تیل کی سپلائی کے حوالے سے خدشات برقرار ہیں۔
