واشنگٹن (لارڈ میڈیا) : ڈیموکریٹک سینیٹر جان اوس نے امریکی صدر ڈونلڈ ٹرمپ پر سخت تنقید کرتے ہوئے کہا ہے کہ وہ وائٹ ہاؤس میں بال روم بنانے اور اپنی معاون خصوصی نیٹالی ہارپ کے ساتھ اڑتے محل میں سفر کرنے کی خواہش رکھتے ہیں۔
وائٹ ہاؤس نے سینیٹر کے بیان پر ردعمل دیتے ہوئے کہا کہ یہ جنسی امتیاز اور بدگمانی پیدا کرنے کی کوشش ہے۔ نیٹالی ہارپ صدر کی ایگزیکٹو اسسٹنٹ ہیں اور ان کی ذمہ داریوں میں صدر کے روز مرہ امور، رابطہ کاری اور کمیونیکیشن مینجمنٹ شامل ہیں۔
امریکی میڈیا کا کہنا ہے کہ نیٹالی ہارپ نے مبینہ طور پر 2023 میں ٹرمپ کو کئی تعریفی اور ذاتی خطوط لکھے تھے، جن میں ایک خط میں ہارپ نے کہا تھا کہ ٹرمپ ہی اس کے لیے سب کچھ ہیں۔
رپورٹ کے مطابق، ٹرمپ اپنی سوشل میڈیا پوسٹس زبانی بتا کر نیٹالی ہارپ سے لکھواتے ہیں، جس سے ان کا اثر و دائرہ کار بڑھ گیا ہے۔ ٹرمپ کے ترکی جانے کے وقت بھی نیٹالی ہارپ ان کے ساتھ تھیں۔
