ہانگ ژو (شِنہوا) چین۔یورپ آرکٹک کنٹینر ایکسپریس روٹ نے موسم گرما کے سیزن کے لیے ہفتہ وار باقاعدہ آپریشن شروع کر دیا، جس سے چین اور یورپ کے درمیان زیادہ تیز اور مضبوط لاجسٹکس رابطہ قائم ہو گیا ہے۔
ہفتہ کی شام تقریباً 7 بجے کنٹینر جہاز دبئی ٹاور چین کے مشرقی صوبہ ژے جیانگ میں ننگ بو۔ ژو شان بندرگاہ سے روانہ ہوا، جو اس روٹ کی باقاعدہ سیزنل سروس کے آغاز کی علامت ہے۔
آپریٹر کے مطابق یہ روٹ شمال مشرقی آرکٹک گزرگاہ سے گزرتے ہوئے برطانیہ کی فیلکسٹو، ہالینڈ کی روٹرڈیم، جرمنی کی ہیمبرگ اور پولینڈ کی گڈینیا سمیت یورپ کی بڑی بندرگاہوں تک پہنچتا ہے۔
اس روٹ نے ستمبر 2025 میں اپنی پہلی آزمائشی سفری سروس مکمل کی تھی اور تقریباً 20 دن میں فیلکسٹو بندرگاہ پہنچا تھا، جو نہر سویز کے راستے درکار وقت سے تقریباً نصف ہے اور چین۔ یورپ مال بردار ٹرین سے بھی تیز ہے۔
ژے جیانگ سی پورٹ لاجسٹکس گروپ کمپنی لمیٹڈ کے جنرل منیجر شِن جیاننگ نے کہا کہ "یہ روٹ ترسیل کے وقت اور سپلائی چین کے تحفظ کے حوالے سے نمایاں فوائد کا حامل ہے۔”
