اسلام آباد (لارڈ میڈیا): اپوزیشن رہنماؤں نے لانگ مارچ کی تیاریوں کے لئے ایک اہم بیٹھک کی جس میں خیبرپختونخوا کی موجودہ صورتحال کا بھی جائزہ لیا گیا۔ ذرائع کے مطابق محمود خان اچکزئی، علامہ راجہ ناصر عباس، بیرسٹر گوہر اور مصطفیٰ نواز کھوکھر نے ملاقات کی۔
بیرسٹر گوہر نے کہا ہے کہ سیاسی بات چیت کی ضرورت ہے اور عوام اور قانون کے رکھوالوں کے درمیان تنازعہ نہیں ہونا چاہیے۔ انہوں نے کہا کہ سہیل آفریدی ہی خیبرپختونخوا کے وزیراعلیٰ رہیں گے اور سیاسی بنیادوں پر کسی رکن اسمبلی کو گرفتار نہیں کیا جاتا۔
وزیراعلیٰ خیبرپختونخوا سہیل آفریدی نے صوبے میں گورنر راج لگانے کا چیلنج کرتے ہوئے کہا کہ وہ عوامی مینڈیٹ سے آئے ہیں اور سازش نہیں ہونے دیں گے۔
