بیجنگ (شِنہوا) ایشیا پیسیفک میڈیا فورم ہفتے کے روز چین کے جنوبی صوبے گوانگ ڈونگ کے شہر شین زین میں شروع ہوگا۔
اپیک 2026 "چینی سال” کے تحت چین مختلف تقریبات کی میزبانی کر رہا ہے۔
فورم میں "ایشیا پیسیفک برادری کی مشترکہ خوشحالی کی راہ ہموار کرنا، میڈیا کا اتفاق رائے اور عملی اقدامات” کے موضوع کے تحت اہم فیصلے اور اعلانات متوقع ہیں۔
فورم سے قبل شریک مہمان گوانگ ڈونگ کے مختلف شہروں کا دورہ کر رہے ہیں جن میں گوانگ ژو، فوشان، ڈونگ گوان، شین زین، ژوہائی اور ژونگ شان شامل ہیں۔
2026 کے اپیک "چینی سال” کے دوران چین کے متعدد شہروں میں تقریباً 300 تقریبات منعقد ہوں گی۔ خاص طور پر اپیک اقتصادی رہنماؤں کا 33واں اجلاس نومبر میں شین زین میں ہوگا۔ چین تیسری مرتبہ اس اجلاس کی میزبانی کرے گا اس سے قبل 2001 میں شنگھائی اور 2014 میں بیجنگ میں یہ اجلاس منعقد ہو چکے ہیں۔
ہانگ کانگ کے قریب واقع شین زین چین کے پہلے خصوصی اقتصادی زونز میں شامل تھا اور گزشتہ چار دہائیوں کے دوران یہ شہر ترقی کرتے ہوئے جدت اور جدید پیداوار کے عالمی مرکز میں تبدیل ہو چکا ہے۔
2026 کی پہلی ششماہی میں شین زین کی دیگر اپیک معیشتوں کے ساتھ تجارت 33 فیصد بڑھ کر 19.8 کھرب یوآن (تقریباً 292 ارب امریکی ڈالر) تک پہنچ گئی، جو شہر کی مجموعی غیر ملکی تجارت کا 68.8 فیصد ہے۔ ماہرین کے مطابق شین زین اس بات کی مثال ہے کہ چین کی معیشت کے نئے ترقیاتی محرکات ایشیا پیسیفک خطے میں نئے مواقع پیدا کر رہے ہیں۔
