کراچی (لارڈ میڈیا) اداکارہ اور میزبان مشال خان نے شادی کے حوالے سے اپنی ترجیحات بتاتے ہوئے کہا ہے کہ وہ واحد بیوی بننا چاہتی ہیں اور اپنے شریک حیات کے ساتھ منفرد رشتہ قائم کرنا چاہتی ہیں۔
حالیہ پوڈکاسٹ گفتگو میں مشال خان نے کہا کہ فی الحال شادی کا کوئی منصوبہ نہیں ہے، تاہم جب یہ مرحلہ آئے گا تو ممکنہ طور پر اچانک ہوگا۔
مشال خان نے اپنی شادی کو غیر ضروری تشہیر اور عوامی بحث سے دور رکھنے کی خواہش ظاہر کی۔ ان کا کہنا تھا کہ وہ نہیں چاہتیں کہ ان کی ازدواجی زندگی سوشل میڈیا یا بلاگز کا موضوع بنے۔
اداکارہ نے مزید کہا کہ وہ ایسے شخص سے شادی کرنے کی خواہشمند ہیں جو اس رشتے میں مکمل طور پر ان کے ساتھ ہو اور ازدواجی زندگی میں کسی دوسری بیوی کا معاملہ نہ ہو۔
مشال خان نے وضاحت کی کہ انہیں کسی شخص کے ماضی سے مسئلہ نہیں ہے، لیکن وہ چاہتی ہیں کہ ان کا شریک حیات شادی کے وقت غیر شادی شدہ ہو اور ان کا رشتہ ایک دوسرے تک محدود رہے۔
انہوں نے کہا کہ اصل بات پہلی بیوی بننے کی نہیں بلکہ واحد بیوی ہونے کی ہے۔
